LAOAG CITY – Naalarma dagiti residente iti Barangay Sta. Rosa ditoy ciudad ti Laoag kalpasan nga adda maisaysayangkat nga excavation wenno panagkali maysa a lote.
Segun ken ni Barangay Kapitan Juan Carlos Tabios III saan na nga ammu nga adda kastoy a mapaspasamak iti imatmatonan na a barangay, gapu ta awan met ti aniaman a records na daytoy nga aktibidad.
Inladawan ni Tabios a ti kalawa ti nakali ket arigna maysa a basketball court ken aguneg ti maysa a tao ti kauneg na.
Kunana a dagos met nga inpakaammo na daytoy iti biang ti City Engineering Office tapno isuda ti mangiyuswat ti umannatop nga addang ken naan-anay nga imbestigasyon.
Mainaig iti daytoy, ket dagos met a nagturong ni Engr. Joel Mateo tapno inspektaren ti nadakamat a lugar no sadinno a nakasango da ti adda ti likodan ti excavation.
Imbatad ti agnagan ti “Lito” a daytoy nga excavation ket para iti fishpond.
Kabayatanna, naammuan nga umaboteen ti maysa a tawen a makutkutkot ti nadakamat a lote.
