LAOAG CITY – Inadmitir ni Barangay Chairman Joel Aliga iti Brgy. 24 iti ili ti San Nicolas nga adda ti nagliwayan dagiti agbanbantay iti quarantine facility iti nasao a barangay.
Daytoy ket kalpasan nga adda dagiti nagi-inom iti quarantine facility rason a nagturong dagiti agpapaay iti munisipyo iti barangayda.
Mainaig iti daytoy, inlawlawag ni Aliga a posible a makaipuslit dagiti adda iti quarantine facility ti arak nu kasta nga awan pay dagiti agbantay a tanod.
Inadmitir na nga uray isuna nu dadduma ket saan a kanayun a makabisita iti pasilibidad gapu kadagiti kumikom na.
Nu pay kasta, inpakaamo na nga addan ti pannakisarita na iti biang ti munisipsyo ken dagiti naggi-inom iti quarantine faciity.
Inpasigurado na a saanen a maulit ti napasamak ket ad-adda a mapaigetan ti pannakamonitor ti quarantine facility.
