LAOAG CITY – Inbatad ni Atty. Alipio Castillo, Election Supervisor ditoy probinsya a naan-nayas ti eleksyon sipud nangrugi agingga a nalpas.
Segun kenni Castillo, ado dagiti botante a sinapa da ti nagturong kadagiti pagbutusan a maysa kadagiti balakad ti komisyon.
Inlawlawag na a dagiti laeng nagbalin nga isyu dagiti botante ket ti saan da a pannakabirok ti nagan da iti listaan, atiddog a pila kangrunaan na tay bigat ken awanan nakaro nga insidente.
Mainaig iti daytoy, naragsak met ti Comelec-Ilocos Norte nga immay nagbutos ti First Family itay bigat.
Kabayatanna, inbatad ni Castillo a kalpasan ti panagbilang kadagiti butos ket dagus a maiproklamar dagiti mangabak iti uneg met laeng ti voting centers.
