LAOAG CITY – Na-isolate ti Barangay Lipay ken Barangay Nalasin iti ili ti Solsona gapu pay laeng ti agtultuloy nga epekto ti Bagyo Julian ditoy probinsya.
Segun Vice Mayor Jonathan De Lara, saanen a passable pay dagiti dua a barangay.
Malaksid pay kadagitoy, inpakaammu ni De Lara nga adda nagbakwiten manipud iti Baranagay Darasdas, Aguitap, Bubu-os, Talugtog, Maananteng, ken Laureta iti nasao nga ili.
Ngem nu pay kasta, inpasigurado ti Bise Mayor nga agtultuloy latta ti monitoring da ken pannakikomkomunikar da nangruna kadagiti na-isolate a barangay.
Kabayatanna, inpakaammuna pay nga insigida a nagibunong da ti relief food packs kadagiti umili.
