LAOAG CITY – Inlawlawag ti Commission on Elections (Comelec) a nupay mapalubusan dagiti barangay officials a makipaset kadagiti aktibidad dagiti local candidates, maipawil dagitoy a mapan agkampanya iti oras ti trabaho da.
Inpetteng ni Commission on Elections Chairman George Erwin Garcia a mabalin da laeng nga aramiden daytoy kalpasan ti oras ti trabaho.
Kuna ni Garcia a mabalin nga aramiden dagiti barangay officials ti kayatda nga aramiden gapu ta saan met a maipawil daytoy ngem siguradwen da laeng a saan nga iti oras ti panagtrabaho da.
Ti panawen ti panagkampanya para kadagiti lokal a kandidato, manipod gobernador, kongresista agingga iti mayor ken konsehal ti ciudad ken munisipyo ket mangrugin ita nga aldaw, Marso 28 agingga iti Mayo 10 ita a tawen.
