LAOAG CITY – Kalikagum dagiti barangay officials ti Barangay 49-A Darayday ditoy siudad ti Laoag a mangipatulod ti surat kadagiti telecommunications company.
Daytoy ket kalpasan nga adda ti nakamotorsiklo a nadesgrasia gapu kadagiti spaghetti wires wenno dagiti nakabitin a waya dagiti telecommunications company.
Inbatad ni Brgy. Kagawad Claro Gonzales Jr. iti nasao a barangay a masansan nga adda dagiti dadakkel a lugan kas ti mixer, 10-wheeler truck ken dadduma pay a dumaldalyasat iti barangayda a mangitunda ti pannakadalapos kadagiti waya.
Gapu iti daytoy, inlawlawagna a maibilang nga accident prone area ti lugar gapu kadagiti waya dagiti telecommunications company a nakabitin.
Innayonna a saan a daytoy ti umuna a daras nga adda ti nadesgrasia gapu kadagiti spaghetti wires dagiti telecommunications company.
