LAOAG CITY – Mairekreklamo ti Barangay Secretary ti Brgy. 9 Lubnac iti ili ti Vintar kalpasan a maipagarup a matmaturog no mapan ag-secure dagiti residente ti Barangay Certificate iti Barangay Hall.
Gapu iti daytoy, basar iti reklamo dagiti maseknan a residente ket maitantan ti pannakaipagna dagiti kasapulanda a requirements wenno dokumento.
Naammoan a ti panang-secure dagiti residente iti Barangay Certificate ket tapno makaalada ti ayuda.
Iti panagturong ti Bombo Radyo Laoag News Team iti nasao a barangay, basar iti nagbalin a palawag dagiti sumagmamano nga opisial ti barangay ket awan ti mausar a pagpa-print kadagiti masapol a requirements.
Kabayatanna, saan met a nangipaay dagiti opisial ti barangay ti komento wenno reaksion no adda ti kinapudnona a matmaturog ti Barangay Secretary no adda dagiti ag-secure ti Barangay Certificate.
