LAOAG CITY – Balligi ti naiyuswat a drug buy bust operation kontra iti maysa a barangay tanod idiay Barangay Anao iti ili ti Piddig, Ilocos Norte.
Nabigbig ti subject ti operasyon a ni Teodolo Tabanyag, agtawen ti 64, naasawaan ken barangay tanod iti nasao a barangay.
Segun kenni Police Senior Inspector Jepre Taccad, chief of police ti PNP-Piddig, nabayag a minonitor dagiti otoridad ti nasao a suspek sakbay a naiyuswat ti operasyon.
Nakumpiskar dagiti otoridad ti dua a sachet a maipagarop a naglaon ti maipagarop a shabu no sadinno a maysa ti naala kenkuana ken 500 a pisos a nausar kas marked money.
Inbatad na a ti suspek ket maysa a drug surenderee ken adda ti drug watchlist iti nasao nga ili.
Kunana nga adda dagiti report a nagsubli iti iligal nga aktibidad a panaglako ti iligal a droga
