LAOAG CITY – Naduktalan ti maysa a barangay tanod ti maipagarup a vintage bomb nga adda iti igid ti karayan iti bisinidad ti Brgy. Zamboanga ditoy siudad ti Laoag.
Segun iti PNP-Laoag, immunan a naireport iti CDRRMO ditoy siudad ti Laoag ti maipagarup a bomba.
Nu pay kasta, naiyendorsar iti biang ti PNP ken kalpasan na ket naipaima iti Explosive Ordance Disposal (EOD) ti INPPO para iti naan-anay nga eksaminasyon iti daytoy.
Kabayatanna, kuna ni Brgy. Chairman Elmer Lorenzo iti Brgy. Zamboang a ti maipagarup a vintage bomb ket posible a nabatbati dagiti soldado idi Worl War II.
Inayunna a basar iti immunana a pannakisarsarita na kadagiti lallakay wenno natataengan iti nasao a barangay, dagiti eksplosibo ket maipagarup nga inkali dagiti hapon idi nalpasa ti gubat.
Kabayatanna, naamoan a daytoy metten ti maikatlo a nabirokan a bomba iti nasao a barangay.
