LAOAG CITY – Kinumpirmaran ti aktres a ni Barbie Forteza a nagsina dan iti longtime boyfriend na a ni Jak Roberto kalpasan ti pito a tawen a relasyon.
Iti Instagram post, inbatad ti Kapuso Primetime Princess ti nga ibilang na a ti panagbalin a paset ti biagna ni Jak ti kararagsakan, gapu ta iti uneg ti pito a tawen a relasyon da ket napnuan ragsak, katkatawa ken inparikna da ti panangipateg da iti tunggal maysa.
Kuna pay ni Barbie nga awan ti makaartap ti ayat nga inparikna kenkuana ni Jak, ngem adda dagiti gundaway a kasapulan a dagiti napinpintas a banag ket mawara tapno dagiti ad-adda a napipintas a banag ti agtipon.
Nagyamanan pay ti balasang ni Jak iti panangipateg na kenkuana a kas met ti inaramid na iti aktor.
Kunana a magagaranen iti possible a mapasamak iti biagda iti masangwen.
Iti maudi a paset ti mensahe ni Barbie ket binalakadan na ni Jak nga annadan na ti bagina, kagiddan ti panangibaga na a mangnamnama a makabiruk iti ayat a naikari a para kenkuana.
Mangnamnama met ni Barbie a maawatan ti amin ti nagbanagan ti relasyon da ken ni Jak.
