LAOAG CITY – Nadadael ti barikada ti Regional Mobile Force Batallion Outpost iti Brgy Manayon iti ili ti Bangui kalpasan a dinugpar ti maysa a closed van.
Segun ken ni PMsgt. Edimar Yadao iti PNP Bangui, agpapaamianan a direksyon ti van nga inturong ti taga Rizal ken agpapaay iti Micro Transport Equipment Corporation, Inc. idi kellaat a nadungpar na ti barikada.
Inlawlawag na a basar iti palawag ti driver ket saan na a naripar ti daldayasaten na a kalsada gapu ta agtudtuddo ken saan a pamilyar iti dalan.
Gapu iti daytoy, kuna na a nadadael ti barikada ken idinto a nabubuong ti sarming sangoanan a paset ti van.
Kabayatanna, inpakaamo ni Yadao a nakapagsarita metten ti agsinumbangir a partido nu sadino a binayadan ti driver ti danyos nga intunda ti insidente.
