LAOAG CITY – Saan a pinalubusan dagiti otoridad iti Namibia a simmanglad ti maysa a barko a maipagarop a nagkarga ti military kargo para iti Israel nga usaren na iti manarimaan a gubat iti Gaza.
Inbatad ni Namibian Justice Minister Yvonne Dausab a pinagsardeng da ti nasao a barko gapu ta nagkarga daytoy ti ado nga explosibo a maiturong iti Israel.
Ti MV Kathrin ket naggapo iti Vietnam ken nagkiddaw ti pammalubos a sumanglad iti pantalan ti Walvis Bay sakbay nga ituloy na ti aglayag iti Mediterranean babaen ti pannagna na iti Strait of Gibraltar.
Nagballaag ti Human Rights groups a mabalin a mairaman ti Namibia a manglabsing ti human rights violations no palubusan na ti barko a sumanglad iti nadakamat a pagilian.
Saan pay a nalawag no apay a kayat ti barko ti sumanglad iti Namibia ngem possible a gapu iti atiddog biyahe na ket kasapulan da ti nayun a supply, aginana da wenno adda ti dagasen da a kargamento.
