LAOAG CITY – Dimmalyasat dagiti barko nga adda pakainaiganna iti Iran sakbay nga ipatungpal ti Estado Unidos ti naval blockade iti Strait of Hormuz a kangrunaan a ruta para iti intero a merkado ti krudo.
Segun iti datos ti ship-tracking, addaa ti 11 a barko ti dimmalyasat iti Strait of Hormuz no sadinno a 9 kadagitoy ti adda pakainaiganna iti merkado ti Iran.
Palairamanan ditoy ti 3 nga oil tanker a sumrek iti Iran, no sadinno a dagiti rumuar met ket dagiti barko nga adda kargana a krudo, produkto a petrolio, liquefied petroleum gas (LPG), methanol, ken iron ore.
Kabayatanna, inbatad ti Estados Unidos a ti blockade ket paset ti naiget nga adding kontra iti Iran kageddan ti kumarkaro a tension ken maipagarup a panagatake kadagiti komersial a barko iti rehiyon.
