LAOAG CITY – Agtultuloy ti panangwaya-waya ti Bureau of Corrections kadagiti Persons Deprived of Liberty iti babaen ti administrasyon ni Presidente Ferdinand Marcos Jr.
Basar iti datos ti Bureau of Corrections, umaboten iti 16,657 ti pakabuklan ti bilang dagiti inmate a nawaya-wayaan kas paset ti decongestion program iti amin a pagbaludan.
Inpakaammo ti Bureau of Corrections nga idi laeng kalman ket nawaya-wayaan manen ti 45 a Persons Deprived of Liberty no sadinno a naggapo dagitoy iti nagduduma a pagbaludan iti Pilipinas.
Iti maysa nga statement, inbatad ni Bureau of Corrections Director General Gregorio Pio Catapang Jr. a dagiti nadakamat nga inmate ket nawaya-wayaan gapu iti expiration ti maximum sentence, acquittal, bail bond, probation, habeas corpus ,parole ken dadduma pay a rason.
