LAOAG CITY – Iti panagngato dagiti kaso ti dengue iti intero a pagilian, ginutigot ti Philippine Medical Association (PMA) ni Presidente Ferdinand “Bongbong” Marcos Jr. nga ikkan ti publiko ti access kadagiti new-generation dengue vaccine.
Iti maysa a surat a maipatulod ken ni Marcos, inpetteng ti Philippine Medical Association a ti dengue ket nagtalinaed a maysa a dakkel a krisis iti salun-at ti publiko, ti Pilipinas ti makairekrekord ti nangato a bilang dagiti kaso ken natay iti Southeast Asia.
Malaksid iti ‘5S’ strategy ti gobierno kontra iti dengue, inpetteng ti Philippine Medical Association ti kasapulan ti nayon nga addang pakairamanan ti panagbakuna.
Naammoan a dagiti kaso ti dengue ditoy Pilipinas ket ngimmato ita a tawen 2025, 28,234 ti nairekord idi Pebrero 1, maysa nga 40% a panagngato manipud iti kapada a panawen iti napalabas a tawen.
