LAOAG CITY – Addan ti napili ni Presidente Ferdinand “Bongbong” Marcos Jr. a baro a sekretario ti Department of Education kasukat ti naglusulos a ni Vice President Sara Duterte.
Inbatad ni Marcos nga irakurakna daytoy sakbay nga agngudo ita a lawas.
Inlawlawagna a saan a nasken nga ibati a bakante ti Department of Education gapu ta napateg a departamento daytoy.
Kuna ni Marcos nga awan met ti inted a rason ni Duterte iti panagibbatna iti puesto kas sekretario ti Department of Education ken panagbalin a Vice Chairman ti National Task Force to End Local Communist Armed Conflict (NTF-ELCAC).
Maipalagip a nagipasa ti resignation letter ni Duterte idi Hunio 19, 2024.
