LAOAG CITY – Inpasingked ni Police Lt. Col. Rafael Lero, baro nga hepe iti PNP Laoag nga itultuloy na dagiti programa ni Police Lt. Col. Amador Quiocho ti dati a hepe ti PNP Laoag.
Kuna na a malaksid kadagiti immuna a programa ket ipatungpal iti PNP Laoag dagiti programa na bayat nga adda iti dati na a posisyon iti INPPO.
Inbunannag ni Lero a ti prosseso ket nangpili ti PNP Regional Office iti lima a kandidato a mangidaulo iti PNP Laoag idinto nga agpili ti mayor a rason ti pannakapili.
Kalikagum ni Lero a magun-od ti talek dagiti kakadua na kas iti pannakisarita na kadagiti kakadua na iti PNP Laoag wenno inawagan na a Confidence building.
Ni Lero ket tubo iti Binalonan, Pangasinan, ken agnanaed iti siudad ti Baguio.
Nagturpos iti PNPA Class of 2003 ken ti immuna nga assignment na ket iti PNP Special Action Force.
Nagdestino iti Mindanao, Southern Luzo, PRO1 sakbay nga immay ditoy probinsya ken nagserbi kas Provincial Operation Management Unit iti INPPO.
