LAOAG CITY – Pabor ti baro a Transportation Secretary Vince Dizon ti panangipatungpal ti PUV Modernization Program iti baet nga adda dagiti saan nga ummannugot a transport group.
Inbatadna nga awan ti sabali a wagas no di ket ipatungpal ti modernisasion tapno dumur-as ken maaddaan ti pannakabalbaliw ti pampubliko a transportasion.
Nupay kasta, kuna ni Dizon, adalenna pay laeng a naimbag ti nasao a programa.
Mamati ti sekretario nga adda ti lehitimo a gagem dagiti saan a pabaro iti programa ken kasapulan a denggen daytoy ti gobierno tapno maresolbar dagiti problemada.
Maipalagip nga inpetteng ni Presidente Ferdinand Marcos Jr. a nasken a maipatungpalen ti Public Utility Vehicle modernization program kalpasan a naitantan ti pito a daras gapu iti panangkontra dagiti sumagmamano a grupo.
