Suportaran ti Private Sector Advisory Council (PSAC) ti baro a linteg a pinirmaan ni Presidente Ferdinand Marcos Jr. a mangipaay iti value added tax refund kadagiti turista.
Segun iti Private Sector Advisory Council, karaman iti rekomendasionda ti kaadda ti VAT refund tapno maallukoy dagiti turista nga aglako iti pagilian ken tapno maiposision ti Pilipinas kas premier global destination.
Kinuna ni Private Sector Advisory Council lead convenor, ken Aboitiz Group President ken Chief Executive Sabin Aboitiz a ti nadakamat a linteg ket resulta ti panagtitinnulong ti gobierno ken pribado a sektor.
Dinayaw ti Aboitiz ti kongreso gapu iti alisto a panangipaulogda iti maysa kadagiti rekomendasion ti Private Sector Advisory Council a ‘Quick Wins’ ken ni Presidente Marcos Jr.
Ti VAT refund program ket mangpapigsa iti global competitiveness ti Pilipinas, mangtignay iti panagdur-as ti ekonomia, ken mangpataud iti panggedan babaen ti panagutigot iti nangatngato a panaggasto kadagiti lokal a tagilako ken serbisio.
