LAOAG CITY – Nabirukan iti Barangay Caaoacan ditoy ciudad ti Laoag a maysan a nalamiis a bangkay ti estudyante a nalmes iti Barangay Calioet-Libong iti ili ti Bacarra.
Nabigbig daytoy a ni Ronald Mendoza, agtawen ti 22, Criminology Student, ken residente iti nadakamat a barangay.
Kadua ti Coast Guard-Bacarra a nagbirok ket Philippine Coast Guard Auxiliary, rescuers manipud iti lokal a gobierno iti Bacarra.
Maipalagip nga idi malem kalman, nagpapaayos ti biktima iti karayan ken rumrumuar nga adda iti impluwensya ti nasanger idi napasamak ti insidente.
Kabayatanna, naamoan nga idi pay laeng Martes ket nadawelen ti dalluyon iti baybay.
