LAOAG CITY – Anak ti pulis ditoy probinsya ti subject ti drug buy-bust operation a naiyuswat idi kalman iti Barangay 48-A, Cabungaan ditoy ciudad ti Laoag a ni Emil John Ruiz, agtawen ti 23, baro ken residente iti Barangay 25 ditoy ciudad.
Daytoy ti kinumpirmaran ni Police Major Christian Felix, ti deputy chief of police ti PNP-Laoag.
Segun kenni Felix, awan met ti komento ti pulis iti pannakatiliw ti anak na.
Kunana a ti pannakatiliw ti maseknan ket mangipakita nga awan ti pilpilyen a tao ti PNP nga iyuswatan ti operasyon gapo ta mavalidate met nga ummuna ti impormasyon.
Naamoan a basar iti impormasyon da ket kaadoan kadagiti droga a makumkumpiskar iti operasyon ket aggapo idiay Metro Manila.
Maipalagip a kinemmeg a dagus dagiti otoridad ni Ruiz kalpasan a naglako iti police poseur-buyer ti maysa a sachet a naglaon ti maipagarop a napagango a marijuana nga agbalor ti 500 a pisos.
Malaksid iti daytoy, naala pay iti ikot ti suspek ti maysa pay a plastic sachet a maipagarop a naglaon met laeng ti bulong, tangkay ken bukel ti marijuana, a naikarga iti kaha ti sigarilyo, dua nga stick ti sigarilyo a maatap nga adda ti karga na a marijuana, 500 a pisos a buy-bust money, ken ti personal a kwarta ti ni Ruiz nga 416 a pisos.
