LAOAG CITY – Pormalen a nag-courtesy call ti baro a hepe ti Philippine National Police a ni P/Cpt Jofel Pascual, Officer in Charge ken pakairmanan dagiti baro a personel a kaduana a ni P/S/Sg Allan Caberto ken Patrolman James Van Flores iti opisina ti Mayor iti nasao nga ili.
Kabayatan ti panagsasarita, nabara ti nagbalin a panangkablaaw ti Mayor iti kabarbaro nga Acting Chief of Police iti nadakamat nga ili ket inpakaammoda a sisasaganada a mangitultuloy ti mangitandudo iti linak ken talna iti uneg ti nasao nga ili.
Inpaganetget ti Mayor ti kinapateg ti akemda ket dinawatna ti dedikasyon ken anep iti panagserbi.
Inkari ni Pascual ti naan-anay a suportada iti Mayorken pakairamanan ti panangikumitna iti naan-anay a dedikasyon ken serbisyo nga ipaayna iti ili ti Vintar. Kabayatanna, kinunana ni Pascual a napateg nga implementaren ken manteneren ti drug-free status ti ili ti Vintar, ken makitinnulong dagitoy kadagiti opisyal ti barangay iti nasao nga ili.
