LAOAG CITY – Naituding nga umay bumisita intono bigat ditoy Ilocos Norte ti baro a Regional Director ti PNP Regional Office I.
Daytoy ti inbatad ni Police Lt. Col. Rafael Lero, ti mangidadaulo iti Operation Plan and Management Unit iti Ilocos Norte Police Provincial Office (INPPO).
Inbaga na nga iti ibibisita ni Police Brig. General Rodolfo Santos Azurin Jr. ket mangisayangkat to ti command conference.
Innayon na a kas baro a mangidaulo iti PNP-Region 1 ket masapol a maam-ammo na dagiti chief of police ditoy probinsya ken agcourtesy call ken ni Governor Matthew Marcos-Manotoc ken dadduma a pulitiko ditoy Ilocos Norte.
