LAOAG CITY – Dumanonen iti 2.5 a milyon dagiti nakarehistro a botante para iti 2025 Midterm Elections.
Daytoy ket manipod iti Local Election Offices, Satellite Registration Centers ken “Register Anywhere Program” stations iti intero a pagilian.
Gapu iti daytoy, asidegen a madanon ti komision ti target ken agarup tallo a milyon dagiti baro a botante.
Umun-una latta ti Calabarzon iti kaadduan a nagparehistro a dimmanon iti nasurok nga 400 a ribu. Sinaruno daytoy ti Metro Manila nga addaan ti nasurok 300 a ribu idinto a maikatlo met ti Central Luzon nga addaan ti nasurok-kumurang 300 a ribu.
Agngudo ti registration period inton Setiembre 30, 2024.
