LAOAG CITY – Nakaimaldit ti tallo a baro a kaso ti COVID-19 iti ili ti Sarrat.
Daytoy ti kinumpirmara ni Gov. Matthew Marcos Manotoc iti facebook page na nga isuda IN-C59, IN-C60 kenni IN-C61.
Basar iti statement, ni IN-C59 ket maysa a babai nga agtawen ti 40, ken residente iti Brgy. 12 iti nasao nga ili.
Awanan ti travel history, asymptomatic, ken nakapulapol na ni IN-C52, maysa a baket nga agtawen ti 61 a residente iti nasao a barangay.
Nakapulapol met da IN-C60 kenni IN-C61 ti immunan a nagpositibo ti COVID-19 a ni IN-C56 a kabarangayan da.
NI IN-C60 ket maysa a babai nga agtawen ti 40, idinto a ni IN-C61 ket maysa a lalaki nga agtawen iti 39 ken agpada a residente iti Brgy. 8 iti nasao nga ili.
Adda da pay nga awanan ti travel history, asymptomatic, ken amin dagiti tallo a baro a kaso ket isolated dagitoy.
Inbatad ni Manotoc ti panagngato ti kaso ti COVID-19 ket resulta iti “Extended-Targeted” testing, no sadino a saan laeng a naiyuswat ti testing kadagiti primary contacts, ngem karaman dagiti secondary contacts ken dagiti agnanaed iti maibilang a critical ken containment zones.
Innayon na a mangiyuswat manen ti Provincial Contact Tracing Team ti sabali pay a rikos ti Expanded-Targeted testing tapno makumpleto iti 10 a porsiento a targeted population iti ili ti Sarrat.
