LAOAG CITY – Epektibo intono alas singko ti malem, Mayo17 ti pannakai-lockdown ti baro a Public Market iti ili ti Bacarra.
Daytoy ket kalpasan a tallo kadagiti aglaklako ket nagpositibo iti covid-19.
Basar iti official statement ti lokal a gobierno ti Bacarra, bayat a nakarikep ti tiendaan ket magutgutigot dagiti residente nga aggatang pay laeng kadagiti talipapa.
Naamoan a naikoordinar metten ti panakaestablisar ti talipapa iti kada barangay iti nasao nga ili.
Kabayatanna, agtultuloy ti pananggutigot ti lokal a gobierno nga agannad ken suruten dagiti amin nga health protocols.
