LAOAG CITY – Addan ti baro nga traffic scheme ditoy ciudad ti Laoag nga inaramid ti PNP.
Daytoy ti kinumpirmaran ni Police Chief Master Sergeant Ferdinand Santos, hepe ti PNP Traffic Division ditoy ciudad.
Inbatad na nga agbalin nga one way ti FR Castro St. ken masapol a maikkat ti pagpilaan ti tricycle partikular iti asideg ti bell tower.
Nupay kasta, kunana a mangkitkita da ti pakaiyakaran ti pagpilaan dagiti traysikelan.
Inlawlawag na pay a ti met Gomez St. ket two-way kasta met ti Rizal St. ngem maipatungpal ti “no left turn policy” ken “no parking”.
Kunana a saan da pay a maimplementar daytoy gapo ta urayen na ti pammilin ni Sang. Panlungsod Member Edison Bonoan, chairman ti Committee on Transportation.
Innayon na a saan na a maibaga no makatulong wenno marigatan dagiti traysikelan agingga a saan a maimplementar daytoy.
