LAOAG CITY – Napuwerpuwersan dagiti agdama a pulitiko ti ili ti Badoc babaen iti Baro a Badoc a grupo dagitoy no ikumpera itay kallabes a panagpipili.
Daytoy ti inbatad ni Mayor Maxi Cajigal kalpasan a sangsangkamaysa da a nagkukuyog itay bigat a nagpila ti kandidatura na kaduana na ni Bise Mayor Alwin Rubio.
Segun ken ni Cajigal, no apay ibaga na a napuwerpuwersa da itan ket gapu ta amin a Kapitan ti Bgy. ket sumupsuporta da kadakuada.
Kuna na a no idi ket innem laeng a kapitan laeng ti simmuporta kadakuada ngem itan ket sibubukekl a puwersa dagiti kapitan.
Kuna na pay a makita met dagiti kailian da no ania dagiti nagapuanan da bayat ti panagtakem da.
Saan nga inlibak ni Cajigal nga iti grupo da ket lima ti agdama nga opisyal ken adda tallo a kabbaro.
Patien pay ti opisyal a saan la a dagiti kalugaran da iti sumupsuporta kadakuada ngem ketdi uray pay dagiti opisyal ti probinsiya kas kadagiti agina a Gov. Imee Marcos ken Congresswoman Imelda Marcos.
