LAOAG CITY – Natiliw ti maysa a baro iti naisayangkat a drug buy-bust operation iti Barangay Callaguip iti ciudad ti Batac.
Nabigbig ti subject ti operasyon a ni Lucky Cariaga y Ferrer, agtawen ti 22, baro ken residente met laeng iti nasao a barangay.
Nakumpiskar dagiti otoridad ti maysa a bassit a sachet a naglaon ti maipagarop a shabu a mapatta-patta nga agdagsen ti 0.3 gram ken agbalor ti P2,040.
Malaksid iti daytoy, naala pay dagiti otoridad iti ikot ni Cariaga ti maysa a cellphone, ken P3,500 a pisos.
Maisagsaganan ti reklamo a panaglabsing iti Republic Act (RA) 9165 wenno Comprehensive Dangerous Drugs Act of 2002 kontra ken ni Cariaga.
