LAOAG CITY – Sabali pay a kaso ti dengue ti nairecord idiay Solsona, Ilocos Norte.
Segun ken ni Mayor Alex Calucag ti nasao nga ili, malaksid iti Bgy. Mariquet a nakakitaan ti pimmusay adda pay tallo nga ub-ubbing ti nairecord iti Bgy Aguitap.
Nupay kasta, kuna ti Mayor nga addan iti natalged a kasasaad dagiti tallo gapu ta nairwar dan iti hospital.
Kuna ni Calucag a patien na a dagiti nakita da a nagulasan a ligay ti lugan ti naggapwan dagiti lamok a posible nga adda virus na ti dengue ti nakagat dagiti nasao a biktima.
Kuna pay ti Mayor nga adda ti ob-obserbaran da a maysa pay nga ubing iti Bgy. Mariquet a nakakitaan ti simptomas ti sakit a dengeu.
Saan a naliklikan ni Calucag ti naluksaw gapu ta itay napalaba a tawen 2017 ket awan ti kaso dengue kadagiti nasao a barangay.
Mainaig iti daytoy Insigida a nagpannawagan ni Mayor Alex Calucag iti ili a Solsona kadagiti kailian na iti nasao nga ili a rugyandan ti agdalos.
Daytoy ket kalpasan a nanayunan ti bilang dagiti biktima ti dengue iti ili da.
Segun iti Mayor, masapul a maikkat dagiti saanen a maus-usar a goma ti lugan, lata ken amin a mabalin a paglemmengan dagiti lamok a posible nga adda virus na iti sakit a dengue.
Impasigurado ni Calucag nga adda dagiti makaumanay nga usaren da iti kampanya kontra dengue.
