LAOAG CITY – Immapela ni Mrs. Buenafe Aliño iti Bangko Sentral ng Pilipinas (BSP) iti ciudad ti Batac iti publiko a saan dan a padakkelen ti isyu seknan ti misprinted a peso bill.
Daytoy ket gapo ta ibilang na nga isolated cases laeng ti pasamak nga adda manen ti misprinted a dua ti rupa na iti sangagasot a piso.
Mainaig iti daytoy, kuna ni Aliño nga awan pay ti residente ditoy Ilocos Norte ti naka-withdraw ti faceless money wenno ti dua ti rupa na.
Inbatad na a kasarita da dagiti bangko ditoy probinsya a no maadaan da ti kliyente a naka-withdraw ti nasao a klase ti kuarta ket ipakaammo da kadakuada.
Maipalagip a nagbalin a kontrobersyal ti nasao nga isyu kalpasan nga adda ti nag-post iti facebook seknan ti faceless money ken napasarunwan ti dua ti rupa na iti likod ti nasao a kuarta.
