LAOAG CITY – Naipilan ti kaso a qualified theft kontra ti maysa a lalaki a nangitaray ti napastrek ti pagpapaayan na a peryaan ti Barangay Ganagan idiay Bacarra, Ilocos Norte.
Nabigbig daytoy a ni Joel Castillo, agtawen ti 19, baro, helper ti maysa a peryaan idiay ili ti Bacarra ngem taga Gonzaga, Cagayan.
Maipalagip nga innala ni Castillo ti napastrek ti pagpapaayan na a peryaan nga agdagop amin ti 7 ribo a pisos.
Naamoan a ginandat pay ti suspek ti aglibas ngem saan a nagballigi gapu ta naireport a dagus dagiti amo na ti napasamak.
Iti agdama, nakabaluden ni Castillo iti Ilocos Norte Provincial Jail (INPJ) ditoy ciudad ti Laoag.
