LAOAG CITY – Kinumpirmaran ni Police Lt. Roi Manuel Ordonio, hepe ti PNP Pasuquin a nagpakamatay ti maysa a baro nga agtawen ti 19, ken grade 12 iti nasao nga ili.
Basar iti imbestigasyon, maipagarup a napaay ti biktima a mapatgan ti kiddaw na a maigatangan iti gadget nga usaren na para iti online class.
Daytoy ket gapu iti kinarigat ti panagbiag da ken saan a kabaelan ti ama na a gumatang iti cellphone.
Kuna ni Ordonio a patyen na a daytoy ti maysa a rason a naaramid ti baro a kettelen ti bukod na a biag.
Mamati nga umap-apal ti baro kadagiti addaan iti cellphone nga us-usaren da iti online class.
Inawat ti pamilya ti baro nga awan ti foul play ti nasao nga insidente.
Innayon ni Ordonio nga agarup 30 a minotos ti napalabas sakbay a nakita ti miembro ti pamilya ti biktima.
