LAOAG CITY – Saanen a naidanon pay a sibibiag ti maysa a baro iti hospital kalpasan a maipagarup a nagbekkel iti bunkhouse iti banbantayan da a pagtatalunan ti Dragon plant a kukua dagiti Montañes idiay Brgy. #15 Maruaya, iti ili ti Piddig, Ilocos Norte.
Binigbig ni P/S/Insp. Jeffre Taccad, Hepe ti Pulisya ti nasao nga ili ti biktima a ni Rene Jose Duldulao y Timajo, agtawen ti 24 awanan ti asawa ken residente ti Brgy. Tabucboc, Marcos, Ilocos Norte.
Segun ken ni Taccad, nadiskubre dagiti kakabsat ti biktima a da Robert Duldulao y Timajo, agtawen ti 32, naasawaan ken ni Rogginne Duldulao y Timajo, agtawen ti 21 awanan ti asawa , agpada a caretakers ti nasao a “farm” ken agpada a residente iti nasao a lugar a nakabitin ti kabsat da usar na ti nylon a tali a ti kolor na ket blue bayat a sangsanagpet da.
Gapu iti nakita da a situasyon ti kabsat da, napan nangala ni Rogginne Duldulao ti imuko kalpasan na ket pinugsat na ti tali a nakaputipot iti tengnged na ken intaray da iti ospital.
Rumrumuar nga adda parikot ti biktima gapu iti saan na a pannakaisalakan ti pagayam na manipud iti paannakuryente na addan tallo a tawen ti napalabas a daytoy ti pammati da a napapanunutan na ti nagpakamatay.
Inlawlawag ti opisyal a basar met laeng kadagiti agkabsat, sipud agingga kadagitoy ket adda da dagiti gundaway a saan a maun-uni isu nga innala da a kadkadua tapno maiyaw-awan na ti problema ngem kastoy metten ti napasamak.
