LAOAG CITY – Maysa manen nga aviation incident ti napasamak idiay Philadelphia, USA ita nga aldaw.
Daytoy ket kalpasan a nagsuek ti maysa a bassit nga eroplano iti Northeast Philadelphia.
Basar iti inisyal nga impormasion, innem dagiti nairekord a pimmusay.
Naammoan a dua manipud kadagiti biktima ket nakalugan iti private plane idinto a dagiti uppat ket nabagsakanda iti lugar.
Dinakamat dagiti otoridad a ti nagsuek nga eroplano ket maysa a medical air ambulance.
Agtultuloy ti maiwaywayat nga imbestigasion seknan iti insidente.
