LAOAG CITY – Naideklarar ti outbreak ti Ebola iti Democratic Republic of Congo kalpasan nga umaboten iti 246 ti nairekord a kaso no sadinno nga addan ti 65 ti pimmusay.
Basar iti Africa Centres for Disease Control and Prevention (Africa CDC), kaadoan kadagiti natay ket naggapo kadagiti ili ti Mongwalu ken Rwampara, dagiti gold-mining nga ili ti Ituri province.
Nagpaawag da metten ti panagtataripnong iti sumagmamano a kaparanget a lugar ti Congo kas iti Uganda, South Sudan ken sumagmamano nga international partners tapno pagsasaritaan dagiti prayoridad, no sadinno a karaman kadagiti natratar ket ti response efforts ken cross-border surveillance.
Immuna a nadiskubre ti Ebola idi 1976 iti Democratic Republic of Congo a maipagarop nga aggapo kadagiti paniki.
Daytoyen ti maika-17 nga outbreak a nairekord iti nasao a makapatay a sakit iti nadakamat a pagilian.
Inadmitir ti World Health Organization (WHO) nga awan pay ti agas iti nasao a sakit no sadinno a ti fatality rate na ket adda iti 50 percent.
