LAOAG CITY – Naglikudan ni House Deputy Majority Leader Zia Alonto Adiong dagiti sayangguseng ti kudeta iti Kamara de Representantes.
Inbatad ni Adiong, awan ti pangta iti panangidaulo ni House Speaker Faustino “Bojie” Dy III.
Inpettengna a kalikagum laeng dagiti kritiko a mangitunda ti dibision kadagiti agpanpanday linteg.
Inlawlawagna a naurnos ti istratehia iti panangimaton ni Dy III iti Kamara de Representantes.
Ni Dy III ket naelektaran kas House Speaker idi Setiembre 2025 kalpasan a nagikkat ni Ferdinand Martin Romualdez.
Maysa kadagiti kangrunaan nga agenda-na ti panagusar ti blockchain ken paperless system para iti transparency iti budget.
Gagem ni Dy III nga isubli ti talek ti publiko iti Kongreso iti babaen ti reporma ken modernisasion.
