LAOAG CITY – Inpannakkel ti Bases Conversion and Development Authority (BCDA) ti panagngato ti investments a naiserrekda iti pagilian iti umuna a tallo a bulan ti tawen.
Basar iti Bases Conversion and Development Authority nga addaan ti pakabuklan a P7.72 bilyon nga investment iti umuna a kuarter ti tawen.
Ti nasao a bilang ket triple iti kapada a bulan iti napalabas a tawen nga addaan laeng ti P2.49 bilyon.
Kaaduan iti nasao nga investments ket aggapu kadagiti lokal nga investors nga addaan ti P5.81-B nga investment a naiserrek.
Kuna pay ni Bases Conversion and Development Authority President and Chief executive officer Joshua Bingcang a ti nasao a balor ket mangipakpakita ti talek kadagiti investors kadagiti economic zones pakairamanan ti New Clark City ken ti Camp John Hay.
