LAOAG CITY – Inrakurak ni Mr. Marvin Ganal, ti mangidadaulo ti Municipal Disaster Risk Reduction and Management Council iti ili ti Sarrat a balligi ti naiwayat a basic life support lecture kadagiti interns dagiti pangopisinaan iti nasao nga ili.
Segun ken ni Ganal, ti naiyuswat nga aktibidad ket inorganisar ti Rural Health Unit ken Philippine National Police iti ili ti Sarrat.
Kuna na nga adda ti agarop 40 nga estudyante ti nakipartisipar iti nasao nga akbtibidad manipod iti Sarrat National High School, Pandan National High School ken sumagmamano college students.
Naragsak nga inpakaammo ni Ganal kalpasan ti aktibidad ket napintas ti nagbalin a return demonstration nga inpakita dagiti nakipartisipar.
Kabayatanna, inpetteng na a napateg ti pannakaisuro ti basic life support gapo ta saan laeng a makatulong iti panangsalaknib iti biag ti maysa a tao no di ket mangipaay pay ti namnama tunggal adda ti mapasaran a didigra.
