LAOAG CITY – Nagyaman ni Konsehal John Michael Farinas iti lokal a gobierno ditoy ciudad ti Laoag gapu ta naimplementaren ti naipasa na idi nga ordinansa a pannakaipaay ti libre a basic medical services kadagiti isu amin nga opisyal ti barangay ditoy ciudad.
Segun kenkuana, napintas ti nasao nga addang gapu ta magundawayanen dagiti nadutukan ken naelektaran nga opisyal ti barangay ti libre Basic Medical Services a para kadakuada.
Kunana a dakkel a tulong daytoy kadagiti opisial ti barangay aglalo ket isuda iti first responder no adda dagiti mapasmapasak iti komunidad da.
Mainaig iti daytoy, kuna ni Farinas a tinawen a mabalin a gundawayan dagiti benipisiaryo daytoy nangruna no dandani madanon iti aldaw a panagkasayang da iti Laoag City General Hospital ken City Health Office.
Innayona a dagiti libre a basic medical servives, pakairamanan ti physical examination, ECG, chest x-ray ken dadduma pay.
