LAOAG CITY – Maysa a basketball coach idiay Maine, U.S.A. ti nakagun-od ti world record kalpasan a naka-3 point shot ti nasurok maysa a ribu a daras iti uneg ti maysa nga oras.
Naartapan ni Ryan Martin ti previous world record iti titulo a “Most Basketball Three Pointers in One Hour” kalpasan a naka-3 point shot a nagsasaruno iti las-ud laeng ti maysa nga oras.
Ti previous record iti daytoy a titulo ket 1,077 shots ti maysa a local basketball player iti state ti Oregon.
Naiyuswat ti record breaking attempt ni Martin iti basketball court ti Lake Region High School no sadinno isuna ti head coach ti basketball team.
Naammoan nga adda iti audience ti pamiliana, team ken dagiti estudiante ti nasao a pagadalan kas kadagiti witness iti world record attempt.
Iti agdama, naisubmitiren ni Martin dagiti ebidensia iti attempt-na ken iyur-urayna laengen ti kumpirmasion ti Guinness World Records.
