LAOAG CITY – Indagadag ti Department of Health (DOH) iti publiko a saan a mapan iti National Kidney and Transplant Institute (NKTI) para kadagiti pasiente a naapektaran wenno posible nga addaan iti leptospirosis.
Segun ken ni Department of Health Spokesperson Assistant Secretary Albert Domingo, naammuanda a napno ti National Kidney and Transplant Institute kadagiti pasyente gapu iti nadakamat a sakit.
Gapu iti daytoy, inpaganetget ni Domingo a nasayaat a tumawagda nga ummuna kadakuada tapno ipakaammo iti pasyente no sadinno ti papananna nga ospital.
Inlawlawag ni Domingo a saan a karkarna ti panagngato ti bilang dagiti naapektaran iti nasao a sakit.
Banbantayan ti ahensia dagiti water borne diseas kas iti leptospirosis ken dengue ita a panawen ti panagtutudo.
Kabayatanna, kinunana nga ammo ti ahensia nga umadu ti bilang dagiti maapektaran iti nadakamat a sakit gapu iti mapaspasaran a panawen.
