LAOAG CITY – Inlawlawag ni Mr. Joemer Salvador, residente iti Barangay 19 iti ili ti San Nicolas ken maysa nga agmulmula ti bawang a bassit laeng ti namulaan ti nasao a produkto.
Segun kenni Salvador, posible a marigatan da manen a mangpadakkel dagiti mula da a bawang gapo ta iti nasapa a paset ita a bulan ket adda ti napigsa a tudo a napasaran ti ili da.
Inbatad na a gapo ta saan da a mapadakkel ti mula da a bawang ket kaykayat dagiti tattao a gatangen dagiti imported nga amang a dakdakkel ngem iti maapit da ken nalaklaka no ikumpara iti mula da.
Nupay kasta, kunana nga adda met latta dagiti aggatang kadagiti mula da a bawang gapo naramraman met laeng daytoy no ikumpara kadagiti imported.
Dinakamat na a para kadakuada nga agmulmula ti bawang ket awan ti maaramidan da tapno lumaka ti presyo daytoy.
Innayon na a nangrugi da nga agmula ti bawang iti ili ti San Nicolas idi Nobyembre iti napalabas a tawen.
