LAOAG CITY – Kinumpirmaran ni Barangay Chairman Pablo Martin Jr., iti Barangay 33-A, Lapaz ditoy ciudad ti Laoag a naduktalan da a dagiti narway a basura a maibelbelleng iti barangay da a maipagarop nga aggapo iti sabali a barangay.
Segun kenni Martin, saan da a kanayon a masiputan ken uray kalkalpas ti panagdalos da ket maipagarop nga iti parbangon ti pannakaibelleng kadagiti basura.
Kunana nga iti kada aldaw ti Domingo ti panagdalus da ngem gapo ta nasirib met dagiti agilibas nga agibelleng rason a saan da a matiliwan dagitoy.
Inlawlawag na nga adda dagiti makakitkita ti naka-kurong-kurong a mapan agibelbelleng ti basura iti sakupen na a barangay isut gapo na a kinasarita na dagiti kakadua na a barangay officials ngem mairana met nga awan ti agbantay no addan ti agibelleng.
Mainaig iti daytoy, plano na ti makisarita iti kapitan iti kabangibang na a barangay tapno agtinnulong da nga agdalos ken naiget a panagbantay tapno matiliwan dagiti agibelbelleng ti basura.
Kabayatanna, kunana nga iti kallabes ket nga addan ti binalakadan na nga agibelleng kuma iti barangay da agingga a sinipsiputan na daytoy gapo ta naibaga na a mapan agibelleng iti Ventura Highway ngem saan na met nga inbelleng daytoy.
