LAOAG CITY – Awan ti plano ti Sang. Panlungsod iti ciudad ti Batac a mangnayon kadagiti rehistrado a tricycle franchise.
Segun kenni Sang. Panlungsod Member Bismark Quidang, chairman ti Committee on Transportation, iti agdama ket arig na ad-adon dagiti agpaspasada ngem iti aglugan kadagiti tricycle.
Nupay kasta, kunana nga apaman a maisubli ti face to face classes ket maikonsiderar to ti pannakanayun dagiti rehistrado a tricycle.
Daytoy ket gapo ta dagiti pagadalan ti kangrunaan a pagal-alan ti pasaheros dagiti tricycle drivers malaksid laeng iti merkado publiko ken dadduma pay a pasdek.
Iti agdama, umabot iti 3,300 a rehistrado iti ciudad ti Batac.
