LAOAG CITY – Kinumpirmaran ti Malakanyang ti appointment ni Batangas Rep. Ralph Recto kas baro a sekretaryo ti Department of Finance.
Segun ken ni Presidential Communications Sec. Cheloy Garafil, agsapata ni Recto ken ni Presidente Ferdinand Marcos Jr. iti Palasyo ita nga aldaw.
Sukatan ni Recto iti Department of Finance ni Secretary Benjamin Diokno.
Saan pay a nalawag no sadinno ti pakaiyakaran ni Diokno wenno no adda ti baro a maipaima kenkuana a posisyon iti gobierno.
Kagiddan iti daytoy, inbatad ni Garafil a naituding nga agsapata ken ni Presidente Marcos ni Frederick Go kas Special Assistant to the President for Investment and Economic Affairs.
