LAOAG CITY – Kinumpirmaran ni Mr. Hendrick Pedronan, head iti Municipal Disaster Risk Reduction and Management Office (MDRRMO) iti ili ti Pagudpud nga adda dagiti agregreg a bato nga aggapo iti bantay.
Kuna na a kadagituy laeng a gundaway nga adda ti nagregreg a bato iti paset ti Barangay Pancian iti nasao nga ili gapo iti agtultuloy a pinagtudtudo na.
Innayun ni Pedronan nga adda dagiti pakdaar wenno signages a nakaipan kadagiti kalsada seknan ti panagregreg dagiti bato tapno maliklikan ti ania man nga insidente.
Inpasigurado ni Pedronan nga agtultuloy ti panagmonitor ken panangballaag da kadagiti umili karaman kadagiti turista nga agturong iti ili ti Pagudpud.
