LAOAG CITY – Kinumpirmaran ni Mr. Hendrick Pedronan, ti mangidadaulo ti Municipal Disaster Risk Reduction and Management Office iti ili ti Pagudpud nga adda ti gundaway nga agtennag dagiti batbato manipud iti bantay partikular iti Barangay Pancian.
Gapo iti daytoy ket mangitunda ti nairot a trapiko bayat ti panagdalos da iti nasao a kalsada.
Segun kenni Pedronan, nupay adda ti maregreg a batbato gapo iti manarimaan a konstruksyon ket naka-standby met dagiti equipment ti Department of Public Works and Highways (DPWH) 1st Engineering District.
Inlawlawag na nga adda ti risgo iti daytoy gapo iti agtennag a batbato ngem inpasigurado na a naiget a nakamonitor da ken dagus da nga iyuswat ti clearing operation no adda ti agtennag a batbato.
