LAOAG CITY – Pinasingkedan ni Mrs. Selga a dandanin ti pannakaipaay ti bayad dagiti ginatang da a produkto a bawang dagiti mannalon ditoy probinsya.
Kuna na nga iyur-uray na laengen ti tawag gapu ta manarimaan ti pannakaiprosseso na dagiti bayad.
Segun kenni Mrs. Selga, apaman a maiprosseso dagiti bayad ket manamnama ti pannakaipaay dagiti gatad intono Abril.
Inbatad na a lima laengen nga asosasyon dagiti mannalon ti saan a nabayadan a dagitoy ket dua nga assosasyon iti ili a Sarrat ken saggagaysa nga assosasyon iti ili a Bangui, Bacarra ken Pasuquin ken adda pay ti indibidual.
Inlawlawag na a pahabol dagitoy a naglako ken saan da pay a nakamiembro iti kompanya da.
Innayon ni Mrs. Selga a ti rason dagiti dadduma ket awan ti manggatang iti lako da a bawang iti kallabes rason a nakisarita da kadakuada tapno gatangen da dagiti bawang.
Plano ni mrs Selga ti aggatang manen ti produkto ti bawang ditoy Ilocos Norte iti bulan ti Mayo ken Hunyo.
Daytoy ti inpakaammo na kalpasan nga inbilin ti boss na idi Sabado.
Segun kenni Mrs. Selga, dati a saan nan a kayat ti utang ken itay napalabas a bansada laeng ti naaddaan ti problema ti iskedyul iti panagbayad.
