LAOAG CITY – Inaprobaran ti House committee on appropriation ti gakat a maaddaan ti maikatlo a Bayanihan Law nga agbalur iti 405.6 a bilyon a pisos tapno matulungan dagiti Pilipino a makarekobre manipud iti COVID-19 pandemic.
Inawagan ni Ways and Means Committee Chairperson Joey Salceda ti nasao a gakat a “lifeline package” ken naaprobaran da daytoy.
Ti nailungalong a Bayanihan 3 ti kangrunaan a prayoridad ti nababa a pagpandayan linteg sakbay nga agbakasyon da intono Hunyo 5.
Maysa ni Speaker Lord Allan Velasco kadagiti proponent ti nasao a gakat.
Babaen ti Phase 1 ti nailungalong a gakat, umabot iti 108 a bilyon a pisos ti naiyalokar a maipaay kadagiti amin a Pilipino.
